கிராம அபிவிருத்திக்காக அரசாங்கத்திடம் நிதி கேட்டு கோரிக்கை

-செ.கீதாஞ்சன்

சபரிகம அபிவிருத்தித் திட்டத்தின் கீழ், முல்லைத்தீவு மாவட்ட கிராமங்கள் தோறும் அபிவிருத்தியை மேற்கொள்வதற்காக, அரசாங்கத்திடம் இருந்து 272 மில்லியன் ரூபாய் நிதியைக் கோரியுள்ளதாக, முல்லைத்தீவு மாவட்ட அபிவிருத்திக் குழுத் தலைவர் ச.கனகரத்தினம் தெரிவித்தார்.

இதற்கமைய, கரைதுறைப்பற்று பிரதேசத்தில் உள்ள 46 கிராமங்களின் அபிவிருத்திக்காக 92 மில்லியன் ரூபாயும் புதுக்குடியிருப்புப் பிரதேச செயலாளர் பிரிவின் கீழ் உள்ள 19 கிராமங்களின் அபிவிருத்திக்காக 38 மில்லியன் ரூபாயும், ஒட்டுசுட்டான் பிரதேசத்தில் உள்ள 27 கிராமங்களின் அபிவிருத்திக்காக 54 மில்லியன் ரூபாயும், துணுக்காய் பிரதேசத்தில் உள்ள 20 கிராமங்களின் அபிவிருத்திக்காக 40 மில்லியன் ரூபாயும், மாந்தைக் கிழக்கில் உள்ள 15 கிராமங்களின் அபிவிருத்திக்காக 30 மில்லியன் ரூபாயும், வெலிஓயா பிரதேசத்தில் உள்ள 9 கிராமங்களின் அபிவிருத்திக்காக 18 மில்லியன் ரூபாயும் தேவையாகவுள்ளமை குறிப்பிடத்தக்கது.