சந்தையிலிருந்து நீர் இறைக்கும் மோட்டார் திருட்டு

-எஸ்.கர்ணன்

நெல்லியடி சந்தையின் தேவைக்காக பொருத்தப்பட்டிருந்த நீர் இறைக்கும் மோட்டார், இனந்தெரியாத நபர்களால் கடந்த 30ஆம் திகதிக்கும் 2ஆம் திகதிக்கும் இடைப்பட்ட காலப்பகுதிக்குள் களவாடப்பட்டுள்ளதாக வர்த்தகர்கள் தெரிவித்தனர்.

30ஆம் திகதி சந்தையை மூடிவிட்டு, 2ஆம் திகதி மீண்டும் திறந்த வேளையில் மோட்;டார் திருட்டு போயுள்ளது தெரியவந்துள்ளது.

இது தொடர்பில் நெல்லியடி வர்த்தக சங்கச் செயலாளர் இ.சிறிரஞ்சனுக்கு வர்த்தகர்களால் தெரியப்படுத்தப்பட்டுள்ளது. வர்த்தக சங்கத்தினூடாக பொலிஸ் நிலையத்தில் முறைப்பாடு செய்யப்படவுள்ளது.

நீர் இறைக்கும் இயந்திரம் திருட்டுப் போனமையால் சந்தையின் நீர்த் தேவைக்காக இரண்டு நாட்;களாக வர்த்தகர்கள் பெரும் சிரமங்களை எதிர்கொண்டு வருகின்றனர்.