தொழிலாளர் தினத்தை முன்னிட்டு இரத்ததானம்

தொழிலாளர் தினத்தை முன்னிட்டு ஸ்ரீ லங்கா ஜனரஜ சுகாதார சேவைகள் சங்கத்தின் ஏற்பாட்டில் மன்னார் மாவட்ட பொது வைத்தியசாலையில் இரத்ததான நிகழ்வு இன்று இடம்பெற்றது.

தலைவர் டபிள்யூ.ஏ.டி.விமலரத்னவின் ஆலோசனைக்கு அமைவாக, மன்னார் மாவட்ட ஸ்ரீலங்கா ஜனரஜ சுகாதார சேவைகள் சங்கத்தின் தலைவர் எஸ்.எச்.எம்.இல்ஹாம் தலைமையில் இந்நிகழ்வு இடம்பெற்றது.

இரத்ததான நிகழ்வில் ஸ்ரீலங்கா ஜனரஜ சுகாதார சேவைகள் சங்கத்தின் மன்னார் பொது வைத்தியசாலையில் கடமையாற்றுகின்ற அங்கத்தவர்கள் இரத்ததானம் செய்தனர்.

குறித்த நிகழ்வில், மன்னார் பொது வைத்தியசாலையின் பணிப்பாளர் வைத்திய கலாநிதி பீரிஸ் கலந்து கொண்டமை குறிப்பிடத்தக்கது.