நண்டு பதனிடும் நிலையம் திறந்து வைப்பு

கிளிநொச்சி பூநகரி வலைப்பாட்டில் நண்டு பதனிடும் நிலையம் நேற்று (19) திறந்து வைக்கப்பட்டுள்ளது.

நோர்வே அரசாங்கத்தின் 24 இலட்சம் ரூபாய் நிதி உதவியில், வலைப்பாடு கடற்றொழிலாளர் சங்கம், தப்ரபேன் நிறுவனம் ஆகியன இணைந்து, இந் நண்டு பதனிடும் நிலையத்தை அமைத்துள்ளனர்.

வலைப்பாடு கடற்றொழிலாளர் சங்கத் தலைவர் தலைமையில் நடைபெற்ற நிகழ்வில் நோர்வேயின் இலங்கைக்கான பிரதி உயர்ஸ்தானிகர் மெனிக்கா சிவன்ஸ் கருட், தப்ரபேன் நிறுவனத்தின் பிராந்திய முகாமையாளர் எஸ்.துசிதன் ஆகியோர் இணைந்து நண்டு பதனிடும் நிலையத்தைத் திறந்து வைத்தனர்.

இந்நண்டு பதனிடும் நிலையத்தினூடாக 30 பெண்களுக்கான வேலை வாய்ப்புகள் மற்றும் 250 கடற்றொழிலாளர் குடும்பங்களின் வாழ்வாதார உதவிகள் கிடைக்கப்பெற்றுள்ளமை குறிப்பிடத்தக்கது.

இந்நிகழ்வில் கிராம அலுவலர், பொருளாதார அபிவிருத்தி உத்தியோகத்தர், சமுர்த்தி உத்தியோத்தர் மற்றும் கடற்றொழிலாளர்கள் கலந்து கொண்டனர்.