பாதுகாப்பற்ற ரயில் கடவை தொடர்பில் முறைப்பாடு

-நடராசா கிருஸ்ணகுமார்

கிளிநொச்சி நகரத்தில் பாதுகாப்பற்ற ரயில் கடவைகளால், பாடசாலை மாணவர்கள் ஆபத்தினை எதிர்கொண்டுள்ளதாக பெற்றோரால், கிளிநொச்சி வலயக் கல்விப் பணிப்பாளரிடம் முறைப்பாடு செய்யப்பட்டுள்ளது.

இது தொடர்பாக கிளிநொச்சி வலயக் கல்விப் பணிப்பாளர், கந்தசாமி முருகவேலிடம் கேட்டபோது, பாதுகாப்பற்ற ரயில் கடவை தொடர்பாக பெற்றோர்கள் தொடர்ச்சியாக முறைப்பாடு தெரிவித்து வருகின்றனர்.

மாவட்டச் செயலகத்தில் நடைபெற்ற கூட்டங்களில், ரயில்  திணைக்கள அதிகாரிகளுக்கும் தகவல் தெரிவித்து உள்ளேன். சில ரயில் கடவைகள் பாதுகாப்பானதாக மாற்றப்பட்டிருந்தாலும் பல கடவைகள் பாதுகாப்பற்றனவாகவே உள்ளன” என்றார்.