பூப்பந்து விளையாட்டுத்திடல் திறந்துவைப்பு.

-க.அகரன்

வவுனியா பொதுவைத்தியசாலையில் அமைக்கப்பட்டுள்ள பூப்பந்து விளையாட்டுத்திடல், காலை 10.30மணியளவில், வவுனியா பொது வைத்தியசாலைப்பணிப்பாளர் திரு. கு. அகிலேந்திரன் தலைமையில் திறந்துவைக்கப்பட்டது.

இலங்கை ஏதிலியர் மறுவாழ்வுக் கழகத்தின் 7 மில்லியன் நிதியுதவியுடன் வவுனியா பொது வைத்தியசாலையில் அமைக்கப்பட்ட பூப்பந்து விளையாட்டுத்தளத்தை, கழகத்தின் ஸ்தாபகர் சட்டத்தரணி எஸ். சி. சந்திரகாஷன் உத்தியோக பூர்வமாகத் திறந்து வைத்தார்.

இந்நிகழ்வில், வவுனியா மாவட்ட மேலதிக அரசாங்க அதிபர் திரு. த. திரேஸ்குமார், இலங்கைக்கான ஓபர் நிறுவனத்தின் பணிப்பாளர் செல்வி சூரியகுமாரி, வவுனியா பிரதேச செயலாளர் திரு. கா. உதயராசா, வெளிநோயாளர் பிரிவு வைத்தியர் சுரேந்திரன், வைத்தியர்கள், தாதிய உத்தியோகத்தர்கள். ஊழியர்கள் என பலரும் கலந்து கொண்டனர்.