முல்லைத்தீவில் வர்த்தக நிலையங்களில் கொள்ளை

-சண்முகம் தவசீலன்

முல்லைத்தீவு நகரிலுள்ள இரு வர்த்தக நிலையங்கள் உடைக்கப்பட்டு, அங்கு வைக்கபட்டிருந்த பெறுமதிவாய்ந்த பொருட்கள் கொள்ளையடிக்கப்பட்டுள்ளதாக, வர்த்தக நிலையங்களின் உரிமையாளர்கள், முல்லைத்தீவு பொலிஸில் முறைப்பாடு செய்துள்ளனர்.

இச்சம்பவம் இன்று அதிகாலை இடம்பெற்றுள்ளது. பல்பொருள் அங்காடி மற்றும்  ஆடையகம் என்பவற்றிலே இவ்வாறு கொள்ளையிடப்பட்டுள்ளது.  பல்பொருள் அங்காடியில் சுமார் அறுபதினாயிரம் ரூபாய்  பணமும் சிகரெட் வகைகளும் கொள்ளையடிக்கப்பட்டுள்ளதாக முறைப்பாட்டில் தெரிவிக்கப்பட்டுள்ளது.

ஆடை விற்பனை நிலையத்தில் 300 ரூபாய் பணமும் மற்றும் ஆடைகள் பலவும் கொள்ளையிடப்பட்டுள்ளன. இச்சம்பவம் தொடர்பிலான மேலதி விசாரணைகளை,  முல்லைத்தீவு பொலிஸார் மேற்கொண்டு வருகின்றனர்.