விபத்தில் இளம் யுவதி படுகாயம்

-செ.கீதாஞ்சன்

முல்லைத்தீவு - புதுக்குடியிருப்பு நகர் பகுதியில், சனிக்கிழமை (25) மாலை இடம்பெற்ற விபத்தில், 22 வயதுடைய யுவதி ஒருவர் படுகாயமடைந்துள்ளார்.

பரந்தன் வீதியில் இருந்து அதிவேகமாக வந்த சிறியரக கன்டர் வாகனமொன்று, பாதசாரி கடவை ஊடாக வீதியைக் கடக்க முற்பட்ட யுவதியை மோதியுள்ளது.

விபத்தை ஏற்படுத்திய சாரதி, தப்பி செல்லமுற்பட்ட வேளையில், அப்பகுதி மக்களால் மடக்கிப் பிடிக்கப்பட்டு, பொலிஸாரிடம் ஒப்படைத்துள்ளனர்.

இதன்போது, சாரதியிடம் மேற்கொள்ளப்பட்ட விசாரணையில், அவர் மது அருந்தியுள்ளமை தெரியவந்துள்ளது.

விபத்தில், படுகாயமடைந்த யுவதி புதுக்குடியிருப்பு ஆதார வைததியசாலையில் அனுமதிக்கப்பட்டுள்ளதுடன்,  சாரதி கைதுசெய்யப்பட்டுள்ளார்.