விபத்தில் ஒருவர் பலி; நால்வர் காயம்

சண்முகம் தவசீலன்

முல்லைத்தீவு, ஒட்டுசுட்டான்,  தட்டாமலை பகுதியில் சிறிய ரக வாகனமொன்று வேகக்கட்டுப்பாட்டை இழந்து குடைசாய்ந்து விபத்துக்குள்ளாகியமையினால் சம்பவ இடத்திலேயே, ஒருவர் உயிரிழந்துள்ளாரென பொலிஸார் தெரிவித்தனர்.

மேலும், நால்வர் படுகாயமடைந்த நிலையில், முல்லைத்தீவு மாவட்ட வைத்தியசாலையில் அனுமதிக்கப்பட்டுள்ளதாக தெரிவிக்கப்படுகின்றது.

நேற்று மாலை 3 மணியளவில் இடம்பெற்ற இவ்விபத்து தொடர்பான மேலதிக விசாரணைகளை ஒட்டுசுட்டான் பொலிஸார் மேற்கொண்டு வருகின்றனர்.