முல்லைத்தீவு மாவட்ட செயலகத்தில் தீ விபத்து

- நடராசா கிருஸ்ணகுமார்

முல்லைத்தீவு மாவட்ட செயலக கட்டடத்தொகுதியில் வியாழக்கிழமை (19) இரவு பரவிய தீயை, பொலிஸார் மற்றும் பொதுமக்களின் ஒத்துழைப்புடன் கட்டுப்பாட்டினுள் கொண்டுவந்ததாக மாவட்டச் செயலாளர் நாகலிங்கம் வேதநாயகன் தெரிவித்தார்.

மாவட்ட செயலக வளாகத்திலுள்ள பழைய கட்டடத்தொகுதியின் ஒருபகுதியில் தீ பரவியது.  அக்கட்டடத்திலிருந்த ஆவணங்கள் மற்றும் அலுவலர்களின் கோவைகள் புதிய கட்டடத்தொகுதிக்கு மாற்றப்பட்டிருந்தன. தீ ஏற்பட்ட பகுதியில் முக்கிய ஆவணங்கள் ஒன்றும் இருக்கவில்லை. பழைய தளபாடங்கள் இருந்திருக்கலாம் என்றும் அவர் கூறினார்.

இந்த தீ விபத்து தொடர்பாக முல்லைத்தீவு பொலிஸார் மேற்கொண்டுவரும் நிலையில், மின்னொழுக்கு காரணமாக தீ பரவியதாக  ஆரம்பக்கட்ட விசாரணையில் தெரியவருகின்றது.