வீதி ஒழுங்கை மீறிய மூவருக்கு அபராதம்

சுப்பிரமணியம் பாஸ்கரன்

கிளிநொச்சி பகுதியில் வீதி ஒழுங்குகளை மீறி வாகனம் செலுத்திய மூவருக்கு 8 ஆயிரம் ரூபாய் தண்டப்பணம் விதிக்கப்பட்டுள்ளது.

கிளிநொச்சிப் பகுதியில் காப்புறுதிப்பத்திரமின்றி மோட்டார் சைக்கிள் செலுத்திச் சென்ற ஒருவரை கைதுசெய்து அவருக்கு எதிராக வழக்குப்பதிவு செய்த கிளிநொச்சி பொலிஸார், திங்கட்கிழமை (16) கிளிநொச்சி மாவட்ட நீதிவான் நீதிமன்றில் ஆஜர்ப்படுத்தினர். இதன்போது மேற்படி  நபருக்கு 5ஆயிரம் ரூபாய் தண்டப்பணம் விதிக்கப்பட்டுள்ளது.

இதேபோன்று கவனயீனமான முறையில் வாகனம் செலுத்திய இருவருக்கு தலா ஆயிரத்து 500 ரூபாய் தண்டப்பணம் விதிக்கப்பட்டுள்ளது.