இந்திய மீனவர்கள் 33 பேருக்கு விளக்கமறியல்

-எஸ்.றொசேரியன் லெம்பேட்

இலங்கை கடற்பரப்பினுள் அத்துமீறி  மீன்பிடியில் ஈடுபட்ட 33 இந்திய மீனவர்களையும் எதிர்வரும் 27ஆம் திகதி வரை விளக்கமறியலில் வைக்குமாறு, மன்னார் நீதவான் அலெகஸ்ராஜா ஆசிர்வாதம் கிறேசியன், இன்று ஞாயிற்றுக்கிழமை (22) உத்தரவிட்டார்.

இலங்கை கடற்பரப்பினுள் அத்துமீறி நுழைந்து 5 படகுகளில் மீன்பிடியில் ஈடுபட்டஇந்திய மீனவர்கள்  33 பேரை, கடற்படையினர் கைது செய்து இன்று ஞாயிற்றுக்கிழமை காலை தலைமன்னார் கடற்படையிடம் ஒப்படைத்தனர்.

தலைமன்னார் கடற்படையினர் விசாரனைகளின் பின், மன்னார் மாவட்ட கடற்தொழில் திணைக்கள அதிகாரிகளினூடாக   மன்னார் நீதவான் அலெக்ஸ்ராஜா ஆசிர்வாதம் கிறேசியன் முன்னிலையில், இன்று ஞாயிற்றுக்கிழமை ஆஜர்படுத்தியபோதே நீதவான் மேற்கண்டவாறு உத்தரவிட்டார்.