வெள்ளத்தில் நீந்தி கால்பந்தாட்டப் போட்டியை பார்வையிட்ட ரசிகர்கள்

பிரேஸிலில் கால்பந்தாட்டத்தை பார்ப்பதற்காக சென்ற ரசிகர்கள் மழை வெள்ளத்தில் நிறைந்த விளையாட்டரங்கில் நீந்திச் சென்ற சம்பவம் கமெராவில் பதிவு செய்யப்பட்டுள்ளது.

சா போலோ நகரிலுள்ள மோரம்பி அரங்கம் கடும் மழையினால் வெள்ளத்தில் மூழ்கியது. ஆசன வரிசைகளுக்கு இடையே உள்ள இடைவெளிகளுக்கு ஊடாக இந்த இரசிகர்கள் நீந்தி வெளியேறினர்.

80,000 பேரை உள்ளடக்க கூடிய இந்த அரங்கில் கடும் மழைக்கு மத்தியிலும் போட்டியை பார்வையிடுவதற்கு ரசிகர்கள் திரண்டனர்.

சா போலோ மற்றும் பல்மைராஸ் கழகங்களுக்கிடையிலான இப்போட்டி திட்டமிட்டபடி நடத்த மத்தியஸ்தர் தீர்மானித்தார். ஒரு மணித்தியால தாமதத்தின் பின்னர் போட்டி ஆரம்பிக்கப்பட்டது.

மழை காரணமாக இப்போட்டி 15 நிமிடம் இடைநிறுத்தப்பட்டிருந்த போதிலும் இறுதியில் 1-1 என்ற கோல் கணக்கில் இப்போட்டி நிறைவடைந்தது.