தேவாலயத்தில் டொப்லெஸ் மொடல்களின் உடலில் ஓவியும் வரையும் கண்காட்சி

ஆஸ்திரியாவில்  நள்ளிரவு ஆராதனையில் பங்குபற்றுவதற்காக தேவாலயமொன்றுக்கு  வந்த பக்தர்கள், ஆராதனைக்கு பதிலாக டொப்லெஸ் மொடல் அழகிகளின் உடலில் ஓவியங்களை வரையும் நேரடி கண்காட்சி நடைபெற்றதை  கண்டு அதிர்ச்சியடைந்தனர்.

இதனால், வழிபாடுகளில் கலந்துக்கொள்வதற்காக வந்த பக்தர்கள் தேவாலயத்தின் குருமார்களுடன் மோதலில் ஈடுபட்டுள்ளனர்.

ஆஸ்திரியாவின் வியன்னா நகரிலுள்;ள பழைமை வாய்ந்த கத்தோலிக்க தேவாலயமொன்றில் இச்சம்பவம் இடம்பெற்றுள்ளது. தேவாலய நிர்வாகிகள் நள்ளிரவு ஆராதனை, கூட்டுப் பிரார்த்தனை போன்றவற்றை கைவிட்டுவிட்டு  டொப்லொஸ் மொடல்களின் உடலில் ஓவியம் வரையும் கண்காட்சிகளை நடத்தியுள்ளனர்.

குறித்த மொடல் அழகிகள் உடல்களில் பல்வேறு வகையான ஓவியங்கள் வரையப்பட்டிருந்தன.

'இந்த ஓவியங்கள், வித்தியாசமான சமய நம்பிக்கைள் தொடர்பாக கேள்விகளை எழுப்பத் தூண்டுவனவாகவும் நாம் அனைவரும் ஏதேன் தோட்டத்தில் நிர்வாணமாகவே இருந்தோம் என்பதை விளக்குவதாகவும் உள்ளன' என ஓவியர் பிரிஜிட் லின்க் என்பவர் கூறியுள்ளார்.