தனியார் பஸ்கள் பணிப் புறக்கணிப்பு

செந்தூரன் பிரதீபன்

அச்சுவேலி தனியார் பஸ் சாரதியையும் நடத்துநரையும் விசாரணைக்காக பொலிஸார் அழைத்து சென்றமைக்கு எதிர்ப்புத் தெரிவித்து, தனியார் பஸ் உரிமையாளர்கள்,  அச்சுவேலி பொலிஸ் நிலையத்துக்கு முன்னால் தமது பஸ்களை நிறுத்திவைத்து, ஒரு மணி நேரம் பணிப் புறக்கணிப்பை மேற்கொண்டனர்.

நேற்று (29)  காலை யாழ்ப்பாணத்தில் இருந்து பருத்தித்துறை நோக்கி வந்த 750 இலக்க வழித்தட பஸ் சாரதியை அச்சுவேலி பஸ் நிலையத்தில் நின்ற ஒருவர் தாக்கியுள்ளார். இதையடுத்து, குறித்த அரச பஸ் பொலிஸ் நிலையம் எடுத்து செல்லப்பட்டு, பாதிக்கப்பட்ட சாரதி அச்சுவேலி பொலிஸில் முறைப்பாடு பதிவு செய்தார். 

முறைப்பாட்டுக்கு அமைய, தனியார் பஸ்ஸின் சாரதியையும் நடத்துநரையும் அச்சுவேலி பொலிஸார் விசாரணைக்கு அழைத்துச் சென்றனர். பொலிஸ் நிலைய பொறுப்பதிகாரி பிரபாத் விசாரணைகளை மேற்கொண்ட பின்னர், குறித்த நபர்கள் விடுவிக்கப்பட்டனர். இதையடுத்து தனியார் பஸ் சேவைகள் வழமைக்குத் தரும்பினர்.