திருமலையில் படையினர் திடீர் சோதனை

(எம்.பரீட்)

திருகோணமலை மாவட்டத்தில் நீண்ட நாட்களுக்குப் பின்னர் இன்று படையினர் மற்றும் பொலிஸாரும் இணைந்து சோதனை நடவடிக்கைகளில் ஈடுபட்டிருந்தனர்.

இத்தகைய நடவடிக்கையின் பொருட்டு இப்பிரதேச மக்கள் மத்தியில் பெரும் பரபரப்பு நிலை காணப்பட்டுள்ளது. இந்த மாவட்டத்தில் யுத்தம் முடிவடைந்த நிலையில் இந்தப் படையினரின் சோதனை நடவடிக்கையும் நிறுத்தப்பட்டிருந்தன.

இன்று கவச வாகனங்கள் சகிதம் திருகோணமலை நகரின் புற நகர் பகுதியில் உள்ள லிங்க நகர்,  பாலையூற்று,  துவரங்காடு, போன்ற பகுதிகளில் இத்திடீர் சோதனை நடத்தப்பட்டுள்ளது.

இதேவேளை மூதூர் பிரதேசத்திலுள்ள புறநகர் பகுதியான பூநகர், பூமரச்சேனை, முகத்துவாரம் போன்ற பகுதிகளிலும் இன்று படையினர் வாகனங்கள் மீது திடீர் பரிசோதனை நடவடிக்கையினை மேற்கொண்டதாகவும் தெரிவிக்கப்படுகிறது.