புதனன்று ரணில் சத்தியப்பிரமாணம்

ஐக்கிய தேசிய கட்சியின் தலைவர் ரணில் விக்ரமசிங்க நாளை மறுதினம் பாராளுமன்ற உறுப்பினராக சத்தியப்பிரமாணம் செய்யவுள்ளதாக தெரிவிக்கப்படுகின்றது.

முற்பகல் 10 மணியளவில், நாடாளுமன்ற அமர்வுகள் ஆரம்பித்த பின்னர், அவர் சத்தியப்பிரமாணம் செய்துகொள்ளவுள்ளார் என அத்தகவல்கள் தெரிவிக்கின்றன. 

கடந்த பொதுத்தேர்தலில் ஐக்கிய தேசியக் கட்சிக்கு கிடைத்த தேசியப் பட்டியல் ஆசனத்துக்கு, அந்தக் கட்சியின் தலைவர் ரணில் விக்கிரமசிங்க அண்மையில் தெரிவுசெய்யப்பட்டார்.

அது தொடர்பான வர்த்தமானி அறிவித்தல் தேர்தல்கள் ஆணைக்குழுவால் கடந்த வார இறுதியில் வெளியிடப்பட்டிருந்தது.