கிளிநொச்சியில் மாணவர்களுக்கான நீச்சல் பயிற்சிகள்

நடராசா கிருஸ்ணகுமார்

கிளிநொச்சி நீர்விளையாட்டுச் சங்கத்தால் மாணவர்களுக்கான நீச்சல் பயிற்சிகள் தொடர்ச்சியாக நடத்தப்பட்டு வருகின்றது.  இதுவரையில் 40 மாணவர்கள் கொண்ட ஆறு அணிகள் பயிற்சியை நிறைவு செய்துள்ளன. இங்கு பயிற்சி பெற்ற மாணவர்கள், மாகாண மட்டப் போட்டிகளில் வெற்றி பெற்று, தேசிய மட்டப் போட்டிகளில் பங்கு கொண்டுள்ளனர். 

செவ்வாய்க்கிமை (24) ஏழாவது அணிக்கான பயிற்சிகள் ஆரம்பிக்கப்பட்டன.  பரந்தன் இந்து மகா வித்தியாலய மாணவர்கள் ஏழாவது அணி மாணவர்களாக பயிற்சிகளில் இணைந்துள்ளனர்.  இவர்களுக்கான பயிற்சிக்குரிய அனுசரணையை பரந்தன் இந்து ம.வி பழைய மாணவர் சங்க சர்வதேச ஒன்றியத்தினர் வழங்கியுள்ளனர்.

2023 பெப்ரவரி முதல் வாரத்தில், 100 பேர் கொண்ட நீச்சல் பயிற்சி முகாம் (ஐந்து நாள்) இலவசமாக நடைபெற உள்ளது.  இணைந்து கொள்ள விரும்புவோர் கிளிநொச்சி நீர் விளையாட்டுச் சங்கத்துடன் தொடர்பு கொள்ளுமாறு அறிவிக்கப்பட்டுள்ளது.