அக்கரைபற்றில் வெடிபொருள் மீட்பு

(எஸ்.மாறன்)

அக்கரைப்பற்று ஊர்போடியார் வீதியில் மர்ம வெடிபொருள் ஒன்று இன்று காலை 10 மணியளவில் மீட்கப்பட்டுள்ளது.

ஊர்போடியார் வீதியில் வீடுகட்டுவதற்காக அத்திபாரம் தோன்றிய போது மறைத்து வைக்கப்பட்டிருந்த வெடிபொருளொன்றை பொதுமக்கள் கண்டெடுத்துள்ளனர். பொலிஸாருக்கும் விசேட அதிரடிப்படையினருக்கும் தகவல் தெரிவித்ததனைத் தொடர்ந்து சம்பவ இடத்திற்கு விரைந்த விசேட அதிரடிப்படையின் குண்டு செயலிழக்கச் செய்யும் பிரிவினர் அந்த மர்ம வெடிகுண்டு தொடர்பாக ஆராய்ந்து வருகின்றனர்.

பிளாஸ்டிக்கினாலான அந்த மர்ம வெடிபொருள் எந்த ரகத்தினை சார்ந்தது என்பது தொடர்பாக குண்டு செயலிழக்கும் பிரிவினர் ஆராய்ச்சியினை மேற்கொண்டு வருகின்றனர்.