தென்னாபிரிக்க கிராமத்தில் ஆரவாரத்தை ஏற்படுத்தியவை படிககக்கற்கள்

கிராமம் ஒன்றில் கடந்த மாதம் கண்டுபிடிக்கப்பட்ட கற்கள், வைரக் கற்கள் அல்ல; படிகக் கற்கள் என தென்னாபிரிக்க அரசாங்கம் தெரிவித்துள்ளது.

குவாஸுலு-நடால் மாகாணத்தில் முதன்முதலில் மந்தை மேய்ப்பவர் ஒருவரால் முதலில் கற்கள் கண்டுபிடிக்கப்பட்டிருந்தன. இதனையடுத்து, ஜொஹன்னஸ்பேர்க்கிலிருந்து தென் கிழக்காக 300 கிலோ மீற்றரிலுள்ள கவாஹலாதி கிராமத்துக்கு ஆயிரக்கணக்கானோர் படையெடுத்திருந்தனர்.

இந்நிலையில், சோதனைகளை மேற்கொண்ட பின்னர் கற்கள், பெறுமதி குறைந்த படிகக் கற்கள் என அதிகாரிகள் தெரிவித்துள்ளனர்.