யுவதியின் சடலம் மீட்பு

-நவரத்தினம் கபில்நாத்

வவுனியா பட்டைக்காட்டுப் பிரதேசத்திலுள்ள வீட்டு வளாகத்திலுள்ள  கிணற்றிலிருந்து 18 வயதுடைய யுவதியின் சடலம் இன்று செவ்வாய்க்கிழமை  காலை மீட்கப்பட்டுள்ளது என்று  வவுனியா பொலிஸார் தெரிவித்தனர்.

கடந்த ஞாயிற்றுக்கிழமையிலிருந்து  காணாமல் போயிருந்த கணரட்னம் லக்சிகா என்பவரே  சடலமாக மீட்கப்பட்டுள்ளார்.

இந்த நிலையில், சம்பவ இடத்துக்கு  வருகைதந்த திடீர் மரண விசாரணை அதிகாரி சிவநாதன் கிசோர், சடலத்தை பார்வையிட்டதுடன், பிரேத பரிசோதனைக்காக சடலத்தை வவுனியா பொது வைத்தியசாலையில் ஒப்படைக்குமாறும் பணித்தார்.

இது தொடர்பில்  வவுனியா பொலிஸார் விசாரணைகளை முன்னெடுத்துள்ளனர்.