பிணையில் வந்த பெண் சடலமாக மீட்பு

- ஏ.எச்.ஏ. ஹுஸைன்

பிறந்து ஒரு நாளேயான தனது சிசுவைக் கொலை செய்த குற்றச்சாட்டில் சிறைத்தண்டனை அனுபவித்து விட்டுப் பிணையில் வந்த பெண்ணொருவர், ஏறாவூர் - சந்திவெளி முந்திரித் தோட்டமொன்றிலிருந்து இன்று புதன்கிழமை (01) சடலமாக மீட்கப்பட்டுள்ளார். 

25 வயதுடைய இப்பெண், கடந்த வருடம் இடம்பெற்ற சிசுக் கொலை வழக்கில், 10 மாதங்கள் சிறைத்தண்டனை அனுபவித்து விட்டுப் பிணையில் வீடு திரும்பிய 5 நாட்களிலேயே இவ்வாறு சடலமாக மீட்கப்பட்டுள்ளார் என ஏறாவூர் பொலிஸார் தெரிவித்தனர். 

சம்பவம் தொடர்பான மேலதிக விசாரணைகளை ஏறாவூர் பொலிஸார் மேற்கொண்டு வருகின்றனர்.