இரட்டைக் குழந்தைகளுக்குத் தந்தையானார் பிரபல இயக்குனர்

மலையாளத்தில் கடந்த 2009ஆம்  ஆண்டு வெளியான ‘இவ விவஹிதரயால்’ என்ற திரைப் படம் மூலம் இயக்குனராக அறிமுகமானவர் சஜி சுரேந்திரன்.

 இதையடுத்து ஹாப்பி ஹஸ்பண்ட்ஸ், ஃபோர் பிரண்ட்ஸ், குஞ்சலியன், ஷீ டாக்ஸி போன்ற படங்களை இயக்கியதன் மூலம் பிரபலமான இவர்  கடந்த 2005ஆம் ஆண்டு சங்கீதா என்பவரை காதல் திருமணம் செய்து கொண்டார்.

இந்நிலையில், இத் தம்பதிக்குத் தற்போது இரட்டைக் குழந்தைகள்  பிறந்துள்ளன. இதுகுறித்து சமூக வலைதளத்தில் இயக்குனர் சஜி வெளியிட்டுள்ள பதிவில், “சில நேரங்களில் அற்புதங்கள் இரட்டிப்பாக வரும்.  கடவுளுக்கு நன்றி” என தெரிவித்துள்ளார்.

திருமணமாகி 16 ஆண்டுகளுக்கு பின் குழந்தைகள்  பிறந்துள்ளதால், இத்தம்பதிக்கு வாழ்த்துக்கள் குவிந்த வண்ணம் உள்ளன.