'பரிசு தாறோம் படம் பார்க்க வாங்க': 24வுக்கு வந்த நிலை

திரைப்படம் பார்க்க வரும் ரசிகர்களுக்கு இலவசப் பரிசுகளை வழங்குவது என்ற 80களில் செயல்படுத்தப்பட்ட யோசனையை தற்போது 24 திரைப்படத்துக்காக செய்ய முன் வந்திருக்கிறார்கள். 

அதாவது திரைப்படம் பார்க்க வருவோருக்கு வாட்ச் ( கடிகாரம்) பரிசளிக்கப்படும் என்று தமிழகத்தின் திரையரங்குகளில் அறிவித்துள்ளனர்.

இந்தத் திரைப்படமும் சரியாக வசூலிக்காமல் போனால் சூர்யாவின் மார்க்கெட் தமிழில் நிரந்தரமாக ஆட்டம் கண்டுவிடும். எனவே, எதைச் செய்தாவது திரைப்படத்தை ஓட்டும்படி ஆலோசனை சொல்லியிருக்கிறார்களாம்.

விடுமுறை காலம் என்பதாலும், தெறி திரைப்படத்தை குழந்தைகள் அதிகம் பேர் வந்து பார்த்ததாலும அவர்களைக் கவர்ந்தால், எப்படியும் தங்களது அப்ப, அம்மாவிடம் படத்துக்கு கூட்டிப் போக வைத்துவிடுவார்கள் என்ற எண்ணத்தில்தான் வாட்ச் இலவசம் என்ற திட்டம் அமுல்படுத்தப்படுகிறதாம்.

நம்பரில் தன் படப் பெயரை வைத்தால் படம் ஓடும் என்ற எண்ணத்தில் 'பசங்க 2, 36 வயதினிலேயே, 24' எனப் படங்களைத் தயாரித்த சூர்யாவுக்கு தற்போது நேரம் சரியில்லை போலிருக்கிறது என கோலிவுட்டில் கிண்டல் பேச ஆரம்பித்துவிட்டார்கள்.