விஷ்ணுவர்தன் இயக்கத்தில் அஜீத்?

நடிகர் அஜீத்தும் இயக்குநர் விஷ்ணுவர்தனும் மீண்டும் இணையவுள்ளதாக கோடாம்பாக்க வட்டாரத்தில் செய்தி வெளியாகியுள்ளது.

அஜீத் தற்போது சிறுத்தை சிவா இயக்கும் புதிய திரைப்படத்தில் நடித்து வருகிறார். இது அஜீத்துக்கு 56-வது திரைப்படமாகும். 

இந்த திரைப்படத்துக்கு பிறகு தனது 57ஆவது திரைப்படத்தை இயக்கும் வாய்ப்பை விஷ்ணுவர்தனுக்கு அஜீத் அளித்திருப்பதாக கோடாம்பாக்க வட்டாரங்களில் பேசப்படுகிறது. 

அஜீத்தும்-விஷ்ணுவர்தனும் ஏற்கெனவே இணைந்து 'பில்லா', 'ஆரம்பம்' என பெரிய வெற்றி திரைப்படங்களை கொடுத்துள்ளனர். 

விஷ்ணுவர்தன் ஆர்யா-கிருஷ்ணாவை வைத்து 'யட்சன்' திரைப்படத்தின் இறுதிக்கட்ட பணிகளில் ஈடுபட்டுள்ளார். இந்த திரைப்படம் முடிந்ததும் புதிய திரைப்படத்தில் இருவரும் இணைவார்கள் என எதிர்பார்க்கலாம்.