அஜீத் ஜோடியாக 3 நாயகிகள்

வேதாளம் திரைப்படத்தையடுத்து, நடிகர் அஜீத் நடிக்கவுள்ள திரைப்படத்தில் இதுவரை 3 நடிகைகள் ஒப்பந்தமாகியுள்ளனர்.

வீரம் வேதாளம் திரைப்படங்களை தொடர்ந்து சிறுத்தை சிவா இயக்கவுள்ள புதிய திரைப்படத்துக்கான ஒப்பந்தத்தில் அஜீத், கடந்த வாரம் கையெழுத்திட்டார்.

அதனையடுத்து, நடிகைகள் தெரிவு விறுவிறுப்பாக நடைபெற்று வருகின்றது. ஏற்கெனவே அனுஷ்கா, தமன்னா ஆகியோர் கதாநாயகியாக ஒப்பந்தம் செய்யப்பட்டிருப்பதாக தகவல் அடிபட்டு வரும் நிலையில் அந்தப் பட்டியலில் எமி ஜெக்சனும் இணைந்துக்கொண்டுள்ளார்.

இதுஒருபுறம் இருக்க இறுதிச்சுற்று புகழ் ரித்திகா சிங்கும் நடிக்கப் போவதாகவும் ஒரு தகவல் அடிபடுகிறது.சத்யஜோதி பிலிம்ஸ் டி.தியாகராஜன் தயாரிக்கும் இத்திரைப்படத்தை இயக்க சிவாவுக்கு ஆறு கோடி இந்திய ரூபாய் சம்பளம் என்ற தகவல் அடிபடுவதுடன்  வேதாளம் திரைப்படத்துக்கு இசையமைத்த அனிருத் ரவிச்சந்திரனேஇசையமைக்கிறார்.

அஜித்தே அனிருத்தை சிபாரிசு செய்ததினால் அவர் கேட்ட சம்பளத்தைக் கொடுப்பதைத் தவிர தயாரிப்பாளர்களுக்கு வேறு வழியில்லை. அந்தவகையில் அனிருத்துக்கு ஒன்றரை கோடி இந்திய ரூபாய் சம்பளம் கொடுக்கப்பட்டுள்ளது.