சமந்தாவால் தள்ளுமுள்ளு

சினிமாவில் நடித்து வரும் பிரபல நடிகர், நடிகைகள், நடித்துக்கொண்டே, கடை திறப்பு விழா, விளம்பரப் படங்களில் நடிப்பதென பல வழிகளில் பணம் சம்பாதித்து வருகின்றனர். கடை திறப்பு விழாக்களில் அதிக ஆர்வம் காட்டும் சமந்தா, எங்கு சென்றாலும் ரசிகர்கள் மத்தியில் சிக்கிக்கொள்கின்றாராம்.

அந்த வகையில், மதுரையில் நடைபெற்ற வீ-கேர் 32ஆவது கிளை திறப்பு விழாவுக்குச் சென்றிருந்த சமந்தாவை பாதுகாப்பதற்கு, பொலிஸார் பலத்த ஏற்பாடுகளைச் செய்துள்ளனர்.

இருப்பினும், சமந்தாவை காணத் துடித்த ரசிகர்கள், மேடையை நோக்கி முன்னேறிவிட்டார்களாம். இதனால் ஏற்பட்ட தள்ளுமுள்ளு காரணமாக, விழா மேடை சரிந்ததோடு, ஒலிப்பெருக்கிகளும் கீழே விழுந்துவிட்டனவாம்.

அத்துடன், சமந்தாவின் சொகுசு காரின் டயரை, யாரோ பஞ்சராக்கிவிட்டார்களாம். இதனையடுத்து, ரசிகர்கள் மீது தடியடி மேற்கொண்ட பொலிஸார், சமந்தாவை பாதுகாப்பாக வேறொரு காரில் அனுப்பி வைத்தார்களாம்.