துறுதுறு பெண்ணாக அனுபாமா

பிரேமம் மலையாள திரைப்படத்தில் அறிமுகமான அனுபமா பரமேஸ்வரன், தனுஷ் நடித்துள்ள கொடி திரைப்படத்தின் ஊடாக தமிழுக்கு வந்துள்ளார்.

இந்த திரைப்படத்தில் முதலில் ஷாலினியின் தங்கை ஷாம்லிதான் நடிப்பதாக இருந்தது. பின்னர் அவர் விலகிக்கொள்ளவே அனுபமா ஒப்பந்தமாகி நடித்தார்.

இந்த திரைப்படத்தில் தனுஷ்-திரிஷாவுக்கு முக்கியத்துவம் வாய்ந்த கதாபாத்திரம் என்றாலும், இளவட்ட நாயகியாக நடித்துள்ள அனுபமாவின் பாத்திரத்துக்கும் அதிகப்படியான காட்சிகள் கொடுக்கப்பட்டுள்ளதாம்.

அவரது முதல் காட்சி, காரில் வந்து வீதயோர கடைகளை இடித்து தள்ளுவது போன்று படமாக்கப்பட்டுள்ளதாம்.

தனுசுக்கு ஜோடியாக நடித்த காட்சிகளில் துறுதுறு பெண்ணாக துடிப்பான நடிப்பை வெளிப்படுத்தியிருக்கிறாராம் அனுபமா பரமேஸ்வரன். அதனால் இந்த ஒரே திரைப்படத்தில் தமிழ் ரசிகர்களின் இதயங்களில் அவர் எளிதாக இடம்பிடிப்பார் என்கிறார்கள்.