திரிஷாவுக்கு மே.4 பிறந்தநாள்: விஜய்க்கு திக்…திக்

நடிகை திரிஷா தன்னுடைய பிறந்தநாளைத் தன் நண்பர்களுடன் முன்னமே கொண்டாடியிருந்தது, சமூக வலைதளங்களில் பேசுபொருளானது. திரிஷாவின் பிறந்தநாள் மே 4-ஆம் திகதிதான்; ஆனால், அதற்கு இரண்டு வாரங்களுக்கு முன்பே அவர் பிறந்தநாளைக் கொண்டாடிவிட்டாரே என்று பலரும் கேள்வி எழுப்பி வந்த நிலையில், இது குறித்து இப்போது ஒரு புதிய தகவல் பரவி வருகிறது.

நடிகை திரிஷா, கடந்த சில நாட்களுக்கு முன்பு தனது நெருங்கிய தோழிகளுடன் சேர்ந்து எளிமையாகப் பிறந்தநாள் கொண்டாட்டத்தை நடத்தியிருந்தார். அந்தப் புகைப்படங்களையும் வீடியோக்களையும் அவர் தனது இன்ஸ்டாகிராம் பக்கத்தில் பகிர்ந்தார். அதைப் பார்த்த ரசிகர்கள், "Happy Birthday Queen", "Advance Wishes" என்று வாழ்த்துகளைக் குவித்தனர். குறிப்பாக, எந்தவித ஆடம்பரமும் இல்லாமல் மிகவும் எளிமையாக நண்பர்களுடன் அவர் கொண்டாடிய விதம் பலரையும் கவர்ந்தது.

திரிஷா என்ன பதிவிட்டாலும் அது வைரலாகும் என்பது அனைவரும் அறிந்ததே. காரணம், சமீபகாலமாக அவர் மீது எழும் வதந்திகள் மற்றும் சர்ச்சைகளுக்கு நேரடியாகப் பதிலளிக்காமல்; சிறிய ஸ்டோரிகள், மேற்கோள்கள் (Quotes) அல்லது இயல்பான பதிவுகள் (Casual posts) மூலமே அவர் பதிலடி கொடுத்து வருகிறார். இதனால், "இன்று திரிஷா என்ன பதிவிடுகிறார்?" என்று ரசிகர்களும் நெட்டிசன்களும் அவரைத் தொடர்ந்து கவனித்து வருகின்றனர்.

 இந்நிலையில், 2026 தேர்தல் குறித்த கருத்துக்கணிப்பு முடிவுகள் வெளியாகின. அதில், நடிகர் விஜய் தலைமையிலான த.வெ.க. (தமிழக வெற்றிக் கழகம்) கட்சி மூன்றாம் இடத்தைப் பிடித்ததாகத் தகவல்கள் பரவி வருகின்றன. இதைத் தொடர்ந்து, சமூக வலைதளங்களில் சிலர் ஒரு புதிய கோணத்தில் விவாதிக்கத் தொடங்கியுள்ளனர்.

திரிஷா, விஜய்யின் நெருங்கிய நண்பர் என்பது அனைவரும் அறிந்ததே. தற்போதைய தேர்தலில் தான் வாக்களித்த புகைப்படத்தைத் தனது சமூக வலைதளத்தில் பதிவிட்டபோது, 'கில்லி' படத்தில் இடம்பெற்ற 'அர்ஜுனரு வில்லு' என்ற பாடலை அவர் பயன்படுத்தியிருந்தார். அதைப் பார்த்த ரசிகர்கள், "தான் விஜய்க்குத்தான் வாக்களித்தேன் என்பதைத் திரிஷா சூசகமாகச் சொல்கிறாரா?" என்று கேள்வி எழுப்பியிருந்தனர்.

இப்படியிருக்க, தேர்தல் முடிவுகள் வெளியாகும் நாளான மே 4-ஆம் திகதிதான் திரிஷாவின் பிறந்தநாளும் வருகிறது. அன்றைய தினம் ஒருவேளை முடிவுகள் சாதகமாக இல்லாவிட்டால் கொண்டாட்டச் சூழல் இருக்காது என்பதைக் கருத்தில் கொண்டே, அவர் தனது பிறந்தநாளை முன்கூட்டியே கொண்டாடிவிட்டாரா? என்ற கேள்விகள் தற்போது இணையத்தில் எழுப்பப்பட்டு வருகின்றன.