மாஸ் காட்டும் பகத் பாசில்

சுகுமார் இயக்கத்தில் அல்லு அர்ஜுன் நடிக்கும் திரைப்படம் புஷ்பா. அல்லு அர்ஜுனுக்கு ஜோடியாக ராஷ்மிகா மந்தனா நடிக்கிறார்.

செம்மரக்கடத்தலை மையமாக வைத்து உருவாகும் இந்தத் திரைப்படத்தில் அல்லு அர்ஜுன் லொறி சாரதியாக நடிக்கிறார். பிரபல மலையாள நடிகர் பகத் பாசில் வில்லனாக நடிக்கிறார்.

பகத் பாசிலின் வில்லன் போஸ்டர் தற்போது வெளியாகியுள்ளது. மொட்டை தலையுடன் மாஸாக இருக்கும் இந்த போஸ்டர் ரசிகர்களை கவர்ந்து சமூக வலைத்தளத்தில் வைரலானது.

தமிழ், தெலுங்கு, மலையாளம், கன்னடம், ஹிந்தி ஆகிய 5 மொழிகளில் உருவாகும் இந்தத் திரைப்படத்துக்கு தேவி ஸ்ரீ பிரசாத் இசையமைக்கிறார்.

இந்தத் திரைப்படத்தை இரண்டு பாகங்களாக வெளியிட உள்ளதாக ஏற்கெனவே அறிவித்திருந்த படக்குழு, முதல் பாகம் டிசெம்பர் மாதம் திரையரங்குகளில் வெளியிடப்படும் என அறிவித்துள்ளது.