வரலாற்றில் இன்று: பெப்ரவரி 15

1898: கியூபாவின்  ஹவானா துறைமுகத்தில் அமெரிக்க கப்பலொன்று வெடித்து மூழ்கியதில் சுமார் 260 பேர் பலியாகினர். இச்சம்பவம் ஸ்பெய்னுக்கு எதிராக அமெரிக்கா யுத்தப் பிரகடனம் செய்வதற்கு வழிவகுத்தது.

1906: பிரித்தானிய தொழிற்கட்சி ஸ்தாபிக்கப்பட்டது.

1909: மெக்ஸிகோவிலுள்ள திரையரங்கொன்று தீப்பற்றியதால் சுமார் 250 பேர் பலி.

1933: அமெரிக்க ஜனாதிபதி பிராங்;ளின் டி ரூஸ்வெல்ட்டை கொல்வதற்கு துப்பாக்கிதாரியொருவன் முயன்றான். ஆனால் ரூஸ்வெல்டுக்குப் பதிலாக சிகாகோ மேயர் அன்டன் ஜே. சேர்மாக் இச்சம்பவத்தில் காயமடைந்து மார்ச் 6 ஆம் திகதி உயிரிழந்தார்.

1942: ஜப்பானியர்களின் கடும் தாக்குதலைத் தொடர்ந்து சிங்கப்பூரிலிருந்த பிரித்தானிய தளபதி ஜெனரல் ஆர்தர் பேர்சிவல் சரணடைந்தார். சுமார் 80,000 இந்திய, பிரித்தானிய, அவுஸ்திரேலிய படையினர் யுத்தக் கைதிகளாக பிடிக்கப்பட்டனர்.

1950: சோவியத் யூனியன், சீனாவுக்கிடையில் பாதுகாப்பு ஒப்பந்தம் கையெழுத்திடப்பட்டது.

1961: பெல்ஜியத்தில் ஏற்பட்ட விமான விபத்தில் அமெரிக்க பிகர் ஸ்கேட்டிங் அணியினர் உட்பட 73 பேர் பலி.

1970: டொமினிக்கன் குடியரசில் ஏற்பட்ட விமான விபத்தில் 102 பேர் பலி.

1982: கனடாவில் எண்ணெய் அகழ்வுத்தளமொன்று கடலில் மூழ்கியதால் 84 ஊழியர்கள் பலி.

1989: ஆப்கானிஸ்தானிலிருந்து சோவியத் யூனியன் படையினர் அனைவரும் வெளியேறிவிட்டதாக சோவியத் யூனியன் உத்தியோகபூர்வமாக அறிவித்தது.

2003: ஈராக் யுத்தத்திற்கு எதிராக சுமார் 600 நாடுகளில் ஆர்ப்பாட்டங்கள் இடம்பெற்றன. 80 லட்சம் முதல் 3 கோடி பேர்வரை இந்த ஆர்ப்பாட்டங்களில் பங்குபற்றியிருப்பர் என மதிப்பிடப்பட்டுள்ளது. உலகின் மிகப்பெரிய எதிர்ப்பு ஆர்ப்பாட்டமாக இது விளங்குகிறது.

2005: வீடியோவை மற்றவர்களுடன் பகிர்ந்துகொண்டு, மற்றவர்களின் வீடியோக்களையும் பார்க்க வாய்ப்பளிக்கும் யூ ரியூப் இணையத்தளம் ஆரம்பிக்கப்பட்டது.