யுத்தத்தின் போது கிழக்கில் மூடப்பட்ட 69 பாடசாலைகளில் 45 மீண்டும் திறப்பு

(எஸ்.மாறன்)

கிழக்கு மாகாணத்தில் கடந்த காலங்களில் நிலவிய யுத்த சூழ்நிலைகளால் தற்காலிகமாக மூடப்பட்டிருந்த 69 பாடசாலைகளில் 45 பாடசாலைகள் மீளவும் திறக்கப்பட்டு மாணவர்களுக்கான கற்றல் நடவடிக்கைகள் இடம்பெற்று வருவதாக கிழக்கு மாகாண கல்வி அமைச்சின் செயலாளர் என்.ஏ.ஏ.புஸ்பகுமார தெரிவித்தார்.

மட்டக்களப்பு வலயத்தில் இரு பாடசாலைகளும், கல்குடா வலயத்தில் 17 பாடசாலைகளும், அம்பாறை வலயத்தில் ஒரு பாடசாலையும், மூதூர் வலயத்தில் 18 பாடசாலைகளும், கந்தளாய் வலயத்தில் ஒரு பாடசாலையும், திருகொணமலை வலயத்தில் 6 பாடசாலைகளும் திறக்கப்பட்டுள்ளன.

இவ்வாறு மீளத்திறக்கப்பட்ட இப்பாடசாலைகளில் மாணவர்களின் தேவைகளுக்கு தேவையான கற்றல் உபகரணங்களும் பாடசாலை கட்டிட வழங்களும் அரசசார்பற்ற நிறுவனங்கள், யுனிசெவ் நிறுவனம், கல்வி அமைச்சு என்பவற்றினால் வழங்கப்பட்டுள்ளதாக அவர் தெரிவித்தார்.