பறவைகளை கவணால் அடித்துப் பிடித்தவர்களுக்கு 20,000 ரூபா அபராதம்

(எஸ்.மாறன்)

கொக்கு ஒன்றையும் காட்டுக்குருவி ஒன்றையும் கவணினால் (கெற்றப்போல்) அடித்து பிடித்த சவளைக்கடை பிரதேசத்தை சேர்ந்த இருவரையும் 20 ஆயிரம் ரூபா அபராதம் செலுத்துமாறு கல்முனை நீதவான்  எம்.ஜ.எம்.றிஸ்வி உத்தரவிட்டுள்ளர்.

சவளக்கடை பிரதேசத்தில் செவ்வாய்க்கிழமை பகல் 12 மணியளவில் கொக்கு ஒன்றையும் காட்டுக்குருவி ஒன்றையும் கவணினால் அடித்து உயிருடன் பிடித்த 23 மற்றும் 24 வயது இரு இளைஞர்களை பொலிஸாருக்கு கிடைத்த தகவல் ஒன்றினையடுத்து சவளக்கடை பொலிஸார் கைது செய்ததுடன் பிடிக்கப்பட்ட கொக்கும் காட்டுக்குருவியும்
கைப்பற்றப்பட்டன.

இச்சம்பவத்தில் கைது செய்யப்பட்டவர்களை  கல்முனை நீதவான் நீதிமன்றத்தில் நீதிபதி எம்.ஜ.எம்.றிஸ்வி முன்னிலையில் ஆஜயர்படுத்திய போது இருவருக்கும் தலா 10 ஆயிரம் ரூபா வீதம் 20 ஆயிரம் ரூபா தண்டப்பணமாக செலுத்துமாறு
நீதிபதி உத்தரவிட்டார்.