படுகொலைசெய்யப்பட்டவர்களின் 21ஆண்டு நினைவு தினம் அனுஷ்டிப்பு

(ரி.லோஹித்)

சம்மாந்துறை பிரதேச செயலகத்துக்குட்பட்ட வீரமுனையில் ஆலயம் மற்றும் பாடசாலை ஆகியவற்றுக்குள் வைத்து 55 தமிழர்கள் படுகொலை செய்யப்பட்ட 21ஆண்டு நினைவு தினம் நாளை வெள்ளிக்கிழமை அனுஸ்டிக்கப்படவுள்ளது.

1990ஆண்டு ஆகஸ்ட் மாதம் 12ஆம் திகதி வீரமுனை சிந்தா யாத்திரை பிள்ளையார் ஆலயம், மற்றும் இராமகிருஸ்ண மிஷன் பாடசாலை ஆகியவற்றில் தங்கியிருந்த மக்கள் இனந்தெரியாத ஆயுததாரிகளினால் படுகொலை செய்யப்பட்டனர்.

அத்துடன் ஆலய முன்றிலில் படுகொலைசெய்யப்பட்டவர்களின் ஞாபகார்த்தமாக அமைக்கப்பட்டுள்ள நினைவுத்தூபியில் ஒளியேற்றப்பட்டு கொல்லப்பட்டவர்கள் நினைவுகூரப்படவுள்ளமை குறிப்பிடத்தக்கது.