அட்டாளைச்சேனை பிரதேச அபிவிருத்திக் குழுக்கூட்டம்

(ஹனீக் அஹமட்)

அட்டாளைச்சேனைப் பிரதேசத்தின் - பிரதேச அபிவிருத்திக் குழுக்கூட்டம் இன்று புதன்கிழமை காலை உள்ளூராட்சி மாகாணசபைகள் அமைச்சர் ஏ.எல்.எம்.அதாவுல்லா தலைமையில் அட்டாளைச்சேனை பிரதேச செயலகத்தில் இடம்பெற்றது.

இதன்போது அட்டாளைச்சேனைப் பிரதேசத்தில் செயற்படுத்தப்படவுள்ள அபிவிருத்தித் திட்டங்கள் மற்றும் பொதுமக்களின் வாழ்வாதாரத்தினை உயர்த்துவதற்கான செயற்பாடுகள் குறித்து கலந்துரையாடப்பட்டன.

இக்கூட்டத்தில் கிழக்கு மாகாண அமைச்சர் எம்.எஸ்.உதுமாலெப்பை, அட்டாளைச்சேனை பிரதேச சபைத் தலைவர் ஏ.எல்.எம்.நசீர், உதவித் தவிசாளர் எம்.ஏ.அன்சில், பிரதேச சபை உறுப்பினர்கள், திணைக்களங்களின் பிராந்தியத் தலைவர்கள் மற்றும் பிரதேச முக்கியஸ்தர்கள் என பலர் கலந்து கொண்டனர்.