உணவு ஒவ்வாமையால் 43 பேர் பாதிப்பு

-எம்.எஸ்.எம்.ஹனீபா

தென்கிழக்குப் பல்கலைக்கழகத்தின் பிரயோக விஞ்ஞானபீட மாணவர்கள் 43 பேர் உணவு ஒவ்வாமை காரணமாக பாதிக்கப்பட்ட நிலையில் வைத்தியசாலையில் அனுமதிக்கப்பட்டனர்.

30 பேர் சம்மாந்துறை அன்வர் இஸ்மாயில் ஞாபகார்த்த ஆதார வைத்தியசாலையிலும்; 13 பேர் அம்பாறை பொது வைத்தியசாலையிலும் அனுமதிக்கப்பட்டனர்.

பல்கலைக்கழக உணவு விடுதியில் ஞாயிற்றுக்கிழமை (08) பகல் உணவை  உட்கொண்ட மாணவர்களே சுகவீனம் அடைந்துள்ளனர்.

வாந்திஇ மயக்கம் போன்றவற்றுக்கு இவர்கள் உள்ளாகியுள்ளதாக வைத்தியசாலைத் தகவல்கள் தெரிவிக்கின்றன.  
சம்மாந்துறை அன்வர் இஸ்மாயில் ஞாபகார்த்த ஆதார வைத்தியசாலையில் அனுமதிக்கப்பட்டவர்களில் சிலர் சிகிச்சை பெற்றுக்கொண்டு வெளியேறியுள்ளதாகவும் அத்தகவல்கள் தெரிவிக்கின்றன.