விதாதாவள நிலையம் திறந்துவைப்பு

-எஸ்.எம்.எம்.றம்ஸான், அஸ்லம் எஸ்.மௌலானா

அம்பாறை மாவட்டத்தின் சாய்ந்தமருது பிரதேச விதாதாவள நிலையத்துக்கான புதிய கட்டடத்தொகுதி இன்று திங்கட்கிழமை விஞ்ஞான, தொழில்நுட்பவியல் அமைச்சர் சுசில் பிரேமஜயந்தவால் திறந்து வைக்கப்பட்டது.

சாய்ந்தமருது பிரதேச விதாதாவள நிலையம் கடந்த பல வருடங்களாக பிரதேச செயலகக் கட்டடத்தில் இயங்கி வந்தது. இந்நிலையில் விஞ்ஞான, தொழில்நுட்பவியல் அமைச்சு கடந்த வருடம் இதற்கென ஒதுக்கீடு செய்திருந்த 10 மில்லியன் ரூபாய் நிதியில் நேர்ட் எனும் ஒப்பந்த நிறுவனத்தினால் இப்புதிய கட்டடத்தொகுதி நிர்மாணிக்கப்பட்டதாக பிரதேச செயலாளர் ஏ.எல்.எம்.சலீம் தெரிவித்தார்.