கல்முனையில் சரஸ்வதி பூஜை வழிபாடுகள்

( எஸ்.எம்.எம்.றம்ஸான் )

கல்வியின் அதிபதியாக இந்து சமய மக்களால் வணங்கப்பட்டு வரும் சரஸ்வதியினை கௌரவப்படுத்தி வணக்க வழிபாடுகளுடன் வருடா வருடம் கொண்டாடப்பட்டு வரும் வாணி விழா நிகழ்வுகள் இன்று முதல் கல்முனைப் பகுதியில் களைகட்டியுள்ளது.

கல்முனை மாநகரசபையின் ஏற்பாட்டில் மாநகரசபை மண்டபத்தில் இன்று எதிர்க்கட்சி தலைவர் ஹென்றி மகேந்திரன் தலைமையில் நடைபெற்ற வாணி விழாவில் கல்முனை மாநகரசபை மேயர் எம்.ஸட்.மஸுர் மௌலானா, பிரதி மேயர் ஏ.ஏ.பஷீர்  மாநகரசபை உறுப்பினர்களும் ஊழியர்களும் உட்பட காரைதீவு பிரதேசசபை தவிசாளர் என்.ஜீவராஜாவும் கலந்து கொண்டு சிறப்பித்தனர்.

கல்முனை மாநகரசபையால் வருடாந்தம் நடத்தப்பட்டு வரும் இவ்விழாவில் இவ்வாண்டு சேனைக்குடியிருப்பு திரு நீலகண்ட தேவஸ்தான குருக்கள் சிவ ஸ்ரீ முருகு நல்லதம்பி சிவாச்சாரியர் விழா நிகழ்வுகளை நடத்தி வைத்தார்.