விவாக, பிறப்பு மற்றும் இறப்புப் பதிவு நடவடிக்கைகள் தொடர்பான பயிற்சி பாசறை

(ஹனீக் அஹமட்)

சட்டபூர்வ ஆவணமான விவாக, பிறப்பு மற்றும் இறப்புப் பதிவுகளை மேற்கொள்ளும் நடவடிக்கைகள் தொடர்பான பயிற்சி பாசறையொன்று எதிர்வரும் திங்கட்கிழமை சாய்ந்தமருது பரடைஸ் ஹோட்டலில் இடம்பெறவுள்ளது என கல்முனை காணி பதிவாளரும், மேலதிக மாவட்ட பதிவாளருமான எம்.ஏ. ஜமால் முகம்மட் தெரிவித்தார்.

அம்பாறை மாவட்ட கரையோர பிரதேசங்களை சேர்ந்த விவாக, பிறப்பு மற்றும் இறப்பு பதிவாளர்களும், பிரதேச செயலகங்களிலுள்ள மேலதிக மாவட்டப் பதிவாளர்களும் இப்பயிற்சி பட்டறையில் கலந்துகொள்ளவுள்ளனர்.

மேற்படி பயிற்சி நெறியில் கிழக்கு வலய உதவி பதிவாளர் என்.எம். நயீம் கலந்துகொண்டு விரிவுரை வழங்கவுள்ளார்.

ஐக்கிய நாடுகள் சபையின் அபிவிருத்தித் திட்டம் இப்பயிற்சி பாசறைக்கான ஏற்பாடுகளை மேற்கொண்டுள்ளது.