வெள்ளத்தினால் வீடுகளை இழந்த மக்களுக்கு வீடு கட்ட இராணுவம் உதவி

(எம்.சி.அன்சார்)
 
பாதுகாப்பு அமைச்சின் செயலாளர் கோத்தாபய ராஜபக்ஷவின்  வழிகாட்டலின் கீழ் அம்பாறை மாவட்டத்தில் கடந்த வருடம் ஏற்பட்ட வெள்ளத்தினால் வீடுகளை இழந்த 81 குடும்பங்கள் வீடுகளை  கட்டுவதற்கான கட்டிட பொருட்கள் இன்று இராணுவத்தினரால் பாதிக்கப்பட்ட மக்களுக்கு கையளிக்கப்பட்டது.

சம்மாந்துறை, கொண்டவட்டுவான், அக்கரைப்பற்று ஆகிய மூன்று இடங்களில் வைத்தே இந்த பொருட்கள் கையளிக்கப்பட்டன.

இவ்வீடுகள்  அனைத்தும் 100 நாட்களுக்குள் அமைக்கப்படவுள்ளது. இந்நிகழ்வில் கிழக்கு மாகாண இராணுவ கட்டளை தளபதி மேஜர் ஜெனரல் பொனிபெஸ் பெரேரா உட்பட பலர் கலந்துகொண்டனர்.