விவசாயிகளுக்கு வழங்குவதற்கான பயிர் விதைகள் இந்தியாவிலிருந்து இறக்குமதி

(எம்.சி.அன்சார்)
கிழக்கு மாகாணத்தில் அண்மையில் ஏற்பட்ட வெள்ள அனர்த்தினால் பாதிக்கப்பட்ட விவசாயிகளுக்கு இலவசமாக வழங்கவென 1 லட்சத்து 85ஆயிரம் கிலோ கிராம் பயிர் விதைகளை இந்தியாவிலிருந்து இறக்குமதி செய்வதற்கு விவசாய அமைச்சு நடவடிக்கை எடுத்துள்ளதாக அமைச்சின் செயலாளர் கே.ஏ. கருணாதிலக தெரிவித்தார்.

இதன் கீழ் 50,000 கிலோகிராம் பயிர் விதைகள், 75,000 கிலோகிராம் மரமுந்திரிகை விதைகள், 50,000 கிலோகிராம் உழுந்து விதைகள் மற்றும் 10,000 கிலோகிராம் கௌபி விதைகள் என்பன இறக்குமதி செய்யப்படவுள்ளன.

இப் பயிர் விதைகள் அடுத்த மாதமளவில் இலவசமாக வழங்கப்படவுள்ளதாக  செயலாளர் கே.ஏ. கருணாதிலக மேலும் தெரிவித்தார்.