சாரணர்களுக்கான ஒரு நாள் பயிற்சி பட்டறை

(ஹனீக் அஹமட்)

அட்டாளைச்சேனைக் கோட்ட பாடசாலைகளை சேர்ந்த சாரணர்களுக்கான ஒரு நாள் பயிற்சி  பட்டறை இன்று சனிக்கிழமை பாலமுனை சீயோ தோட்டத்தில் இடம்பெற்றது.

அம்பாறை மாவட்ட சாரண ஆணையாளரும், சிரேஷ்ட விரிவுரையாளருமான எம்.ஐ.எம்.முஸ்தபா தலைமையில் இடம்பெற்ற பயிற்சி பட்டறையில் அட்டாளைச்சேனை பிரதேச சபையின் உப  தவிசாளர் எம்.ஏ.அன்சில் மற்றும் அட்டாளைச்சேனை பிரதேச சபை உறுப்பினரும் அம்பாறை மாவட்ட சாரண உதவி ஆணையாளருமான எஸ்.எல்.முனாஸ் ஆகியோர் அதிதிகளாகக் கலந்துகொண்டு சாரணர்களுக்கு பரிசில்களை வழங்கிவைத்தனர்.

இப்பயிற்சிப் பட்டறையில் அட்டாளைச்சேனை தேசிய பாடசாலை, பாலமுனை மின்ஹாஜ், பாலமுனை ஹிக்மா மற்றும் ஒலுவில் அல் - ஹம்றா பாடசாலைகளை சேர்ந்த சாரணர்கள் கலந்துகொண்டனர்.