சிறுவர் பூங்காவினை புனரமைத்துத் தருமாறு மக்கள் கோரிக்கை

(எம்.சி.அன்சார்)
சம்மாந்துறை பிரதேச சபை பிரிவுட்குட்பட்ட வளத்தாப்பிட்டி கிராமத்தில் மிக நீண்ட காலமாக கவனிப்பாரற்றுக் கிடக்கும் சிறுவர் பூங்காவினை புனரமைத்துத் தருமாறு இப்பிரதேச மக்களும், பொதுநல அமைப்புக்களும் கோரிக்கை விடுக்கின்றனர்.

இச்சிறுவர் பூங்கா காலம் சென்ற மர்ஹூம் யூ.எல்.எம். முகைதீனின் பன்முகப்படுத்தப்பட்ட நிதி ஒதுக்கீட்டின் மூலம் அமைக்கப்பட்டது.

தற்போது இச்சிறுவர் பூங்காவிலுள்ள பல இலட்சம் ரூபா பெறுமதியான விளையாட்டு உபகரணங்களும், ஏனைய பொருட்களும் பழுதடைந்து உடைந்துவிழும் நிலையில் காணப்படுகின்றன.

எனவே, இச்சிறுவர் பூங்காவை புனரமைப்பதற்கான நடவடிக்கைகளை மேற்கொள்ளுமாறு சம்பந்தப்பட்ட அதிகாரிகளிடம் மக்கள் கோரிக்கை விடுக்கின்றனர்.