ரம்புக்கன்ஓயா நீர்த்தேக்க நிர்மாணப் பணிகள் டிசம்பர் மாதத்திற்குள் நிறைவு

(அப்துல் அஸீஸ்)

மகாஓயா பிரதேசத்தில் அமைக்கப்பட்டு வரும் ரம்புக்கன்ஓயா நீர்த்தேக்கத்திற்கான அணைக்கட்டு நிர்மாணப் பணிகள் இந்த வருடம் டிசம்பர் மாதத்திற்குள் நிறைவடையுமென நிர்மாணப் பணியில் ஈடுபட்டுள்ள அதிகாரிகள் தெரிவித்துள்ளனர்.

மகாஓயா பிரதேசத்தின் பாரிய நீர்வளங்கள் நடவடிக்கைக்காக 2007ஆம் ஆண்டளவில் மறைந்த அமைச்சர்களில் ஒருவரான அன்வர் இஸ்மாயிலினால் ஆரம்பித்து வைக்கப்பட்ட இந்த  நீர்த்தேக்தகத்திற்கான நிர்மாணப் பணிகள் ஆரம்பித்து வைக்கப்பட்டன.

இந்த வேலைத்திட்டத்தினால் இப்பிரதேச மக்கள் எதிர்நோக்கி வரும்  நீரில்லாப் பிரச்சினை முடிவுக்குக் கொண்டுவரப்படுமென எதிர்பார்க்கப்படுகின்றது.