ஆக்கத்திறன் ஊக்குவிப்புக் கண்காட்சி

(அப்துல் அஸீஸ்)

மாவட்ட மட்டத்தில் நடைபெறவுள்ள ஆக்கத்திறன் கண்காட்சிப் போட்டிகளில் முன்பள்ளி மாணவர்களை வெற்றியீட்ட வைப்பதற்கான ஆக்கத்திறன் ஊக்குவிப்புக் கண்காட்சி சேனைக்குடியிருப்பு 'சேவோ' நிறுவனத்தில் நேற்று ஞாயிற்றுக்கிழமை நடைபெற்றது.

அம்பாறை மாவட்டத்தில் தெரிவுசெய்யப்பட்ட ஆறு முன்பள்ளிப் பாடசாலை மாணவர்களின் ஆக்கத்திறன்கள் கண்காட்சிக்கு வைக்கப்பட்டன.

சேனைக்குடியிருப்பு சேவோ நிறுவனத்தின் பணிப்பாளர் கே.சத்தியநாதன் தலைமையில் நடைபெற்ற இக்கண்காட்சியில் கல்முனை வலயக்கல்வி அலுவலக முறைசாரா உதவிக் கல்விப் பணிப்பாளர் ஏ.எஸ்.சக்காப், சேனைக்குடியிருப்பு கணேசா மகாவித்தியாலய அதிபர் கே.சந்திரலிங்கம் ஆகியோர் அதிதிகளாகவும் நடுவர்களாகவும் கலந்துகொண்டனர்.