வாகன விபத்தில் ஐவர் படுகாயம்

(எஸ்.எம்.எம்.றம்ஸான்)

கல்முனையிலிருந்து அக்கரைப்பற்று நோக்கி பயணித்த காரொன்று இன்று திங்கட்கிழமை கட்டுப்பாட்டை மீறி வீதி அருகிலிருந்த தொலைபேசி கம்பத்தில் மோதி வயலிற்குள் வீசப்பட்டுள்ளது.

இதனால் வாகனம் பலத்த சேத்திற்குள்ளாகியதுடன் பயணித்தவர்கள் பலத்த காயங்களுடன்  கல்முனை அஷ்ரப் ஞாபகார்த்த  வைத்தியசாலையில் அனுமதிக்கப்பட்டுள்ளனர்.

பயணித்த ஐவரில் இருவரின் நிலைமை மிகவும் கவலைக்கிடமாகவுள்ளதுடன் இவர்களில் ஒருவர் மேலதிக சிகிச்சைகளுக்காக அம்பாறை வைத்தியசாலைக்கு மாற்றப்பட்டுள்ளார்.

குறித்த விபத்து சம்பவம் ஒலுவில், களியோடை பாலத்திற்கு அருகில் இடம்பெற்றுள்ளது. இது தொடர்பான மேலதிக விசாரணைகளை சம்மாந்துறை பொலிஸார் மேற்கொண்டு வருகின்றனர்.