நீர்ச்சறுக்கல் போட்டியில் வெற்றியடைந்தவர்களுக்கு பரிசளிப்பு

(எஸ்.மாறன்)

ஸ்ரீலங்கா ஏயார் லைன்ஸ் நிறுவனத்தினால் நடத்தப்படும் இரண்டாவது சர்வதேச கடலலை நீர்ச்சறுக்கல் போட்டியில் வெற்றிபெற்றவர்களுக்கான பரிசளிப்பு விழா அறுகம்பையில் இன்று  ஞாயிற்றுக்கிழமை நடைபெற்றது

ஆண்களுக்கான போட்டியில் 'லோங் போட் சம்பியன்சிப்' முதலாவது இடத்தை பெற்ற காவாய் நாட்டைச் சேர்ந்த லெனி டீ கோல்ட் 10,000 அமெரிக்க டொலரும் பெண்களுக்கான போட்டியில் முதலாவது இடத்தை பெற்ற அமெரிக்கா நாட்டைச் சேர்ந்த லக்கி பெற்ரன்ஸ் 4,500 அமெரிக்க டொலரும்  ஆண்களுக்கான போட்டியில் இரண்டாவது இடத்தைப் பெற்ற அமெரிக்காவைச் சேர்ந்த டெயிலர் ரென்சன் 4,000 அமெரிக்க டொலரும்  பெண்களுக்கான போட்டியில் இரண்டாவது இடத்தைப் பெற்ற அமெரிக்காவைச் சேர்ந்த கன்றி கென்லொக் 2,300 அமெரிக்க டொலரும் வெற்றிக்கேடயங்களும்  ஸ்ரீலங்கா ஏயார் லைன்ஸ் நிறுவனத்தின் தலைவர் நிஸாந்த விக்கிரமசிங்கவினால்  வழங்கி வைக்கப்பட்டது.

கடந்த  மாதம் 30ஆம் திகதி ஆரம்பமான இவ்விளையாட்டுப் போட்டி இன்று ஞாயிற்றுக்கிழமை 4ஆம் திகதியுடன் முடிவடைந்தது. இதில் 19 நாடுகளைச் சேர்ந்த கடலலை நீர்ச்சறுக்கல் விளையாட்டு வீரர்கள் கலந்து கொண்டனர்.Pix by:-Kithsiri de mel, S.Maran