அட்டாளைச்சேனையில் தூக்கில் தொங்கிய நிலையில் இளைஞரின் சடலம்

(ஹனீக் அஹமட்)

அட்டாளைச்சேனைப் பிரதேசத்தில் இளைஞரொருவரின் சடலம் தூக்கில் தொங்கிய நிலையில் நேற்று வெள்ளிக்கிழமை மாலை மீட்கப்பட்டது.

சுமார் 30 வயதுடைய மேற்படி இளைஞர் ஓர் அரச உத்தியோகத்தராவார்.

அட்டாளைச்சேனையிலுள்ள மேற்படி இளைஞரின் வீட்டிலிருந்தே இவரின் சடலம் மீட்கப்பட்டுள்ளது.

இவருக்கான திருமண ஏற்பாடுகள் இடம்பெற்று வந்ததாகவும், எதிர்வரும் சில வாரங்களில் திருமணம் இடம்பெறவிருந்ததாகவும் இவரின் உறவினரொருவர் தெரிவித்தார்.

இந்த நிலையிலேயே இவரின் மரணம் நிகழ்ந்துள்ளது.

இது தொடர்பிலான விசாரணைகளை அக்கரைப்பற்றுப் பொலிஸார் மேற்கொண்டு வருகின்றனர்.