கல்முனை பிராந்திய மட்டத்திலான கூட்டு ஆதன முகாமைத்துவ சபை ஆரம்பிப்பு

(அப்துல் அஸீஸ்)
சுனாமி மாடி வீட்டு தொகுதிகளினை பராமரிக்கும் கூட்டு ஆதன முகாமைத்துவ சபைகளின் கல்முனை பிராந்திய மட்டத்திலான சம்மேளனம் நேற்று ஞாயிற்றுக்கிழமை கல்முனை இறைவெளிக்கண்ட சுனாமி வீட்டுத்திட்ட கூட்டு ஆதன முகாமைத்துவ சபை அலுவலகத்தில் ஆரம்பித்து வைக்கப்பட்டது.

எட்டு கூட்டு ஆதன முகாமைத்துவ சபைகளை உள்ளடக்கிய இந்த சம்மேளனமானது மருதமுனை மாடி வீட்டுத்தொகுதி, பெரிய நீளாவனை செஞ்சிலுவை சங்க மாடி வீட்டுத்தொகுதி, பெரிய நீளாவனை இஸ்லாமிக் ரிலீப் மாடி வீட்டுத்தொகுதி, குருந்தையடி மாடிவீட்டுத்தொகுதி, இஸ்லாமபாத் மாடி வீட்டுத்தொகுதி, பெரிய நீளாவனை கோப்ரேசன் மாடி வீட்டுத்தொகுதி, பெரிய நீளாவனை மாதா திருவள்ளுவர் மாடி வீட்டுத்தொகுதி, கல்முனை இறைவெளிக்கண்ட மாடி வீட்டுத்தொகுதி ஆகியவற்றின் உள்ளடக்கியுள்ளது.

கல்முனை இறைவெளிக்கண்ட சுனாமி வீட்டுத்திட்ட கூட்டு ஆதன முகாமைத்துவ சபையின் தலைவர் கே. சுபைர் தலைமையில் இடம்பெற்ற இந்நிகழ்வில், அமைச்சர் விமல் வீரவன்சவிடம் மாடி வீட்டுத்திட்டங்களில் காணப்படும் தேவைப்பாடுகள் தொடர்பான மகஜர் ஒன்றை கையளிப்பது தொடர்பில் கலந்துரையாடப்பட்டது.