மண்ணெண்ணெய் அடுப்பு வெடித்ததில் குடும்பப்பெண் வைத்தியசாலையில்

(ஏ.ஜே.எம்.ஹனீபா)

சமையல் வேலையில் ஈடபட்டிருந்த பெண், மண்ணெண்ணெய் அடுப்பு வெடித்ததால் பலத்த தீக்காயத்துக்கு உள்ளான நிலையில் வைத்தியசாலையில் அனுமதிக்கப்பட்ட சம்பவமொன்று சம்மாந்துறையில் இடம்பெற்றுள்ளது.

இன்று புதன்கிழமை காலை 9.30 மணியளவில் இடம்பெற்ற இந்த சம்பவத்தால் தீக்காயங்களுக்கு உள்ளான மேற்படி பெண், சம்மாந்துறை அன்வர் இஸ்மாயில் ஞாபகார்த்த ஆதார வைத்தியசாலையில் அனுமதிக்கப்பட்டு சிகிச்சை அளிக்கப்பட்ட பின்னர் மேலதிக சிகிச்சைக்காக கல்முனை அஷ;ரப் ஞாபகார்த்த ஆதார வைத்தியசாலைக்கு மாற்றப்பட்டுள்ளார்.

இதேவேளை, மேற்படி பெண்ணின் உடம்பில் 85 வீதமான பகுதி கடுமையான தீக்காயங்களுக்கு உட்பட்டிருப்பதாக வைத்தியசாலை தகவல்கள் தெரிவிக்கின்றன. சம்பவம் தொடர்பான மேலதிக விசாரணைகளை சம்மாந்துறை பொலிஸார் மேற்கொண்டு வருகின்றனர்.